O festival Zona da Zanfona organiza este curso para persoas iniciadas no instrumento cun dos mellores intérpretes tecnicamente das novas músicas reelaboradas do revival medievalista. Será unha aula maxistral de seis horas e media o vindeiro sábado 22 de novembro na vila de Arzúa.
Steve Tyler imparte este curso nunha sesión intensiva, epílogo do concerto que ofrece o día anterior e que abre a programación da Zona da Zanfona 2025.
Detalles:
- Data: sábado 22 novembro
- Lugar: Capela da Madanela. Arzúa
- Horario: 10 – 18.30 h
- Prezo: 40€
- Prazas limitadas
- Debes encher o formulario dixital de embaixo
Sobre o curso
Aula maxistral impartida cun dos máis respetados intérpretes actuais, o inglés Steve Tyler sobre o xeito de interpretación de música para danza de finais da Idade Media para zanfona con recursos aplicábeis para calquera tipo de músicas de bordón actuais: modos e escalas, patróns rítmicos para sincronizar melodía (man esquerda) e ritmo (man dereita), ornamentación e articulación, dinámicas…
Sobre o mestre
Steve fundou a banda medieval Misericordia con Anne Marie Summers en 1993 e, posteriormente, fixo varias gravacións en CD e tocou en moitos concertos e eventos. Uniuse a eles o intérprete Julian Sutton para fundar The Wendigo, tocando en danzas balfolk e tamén gravando dous discos.
Tocou en representacións teatrais de técnicas mixtas como espectáculos no palco do Globe de Londres, An English Journey Reimagined (cos escritores Alan Moore e Iain Sinclair, a cantante Shirley Collins…), para espectáculos de monicreques (como The Tin Forest e Beowulf) e na xira de concertos de PlayStation, actuando recentemente en Nova York, EUA e São Paulo, Brasil.
Tocou con músicos míticos coma Jon Swayne ou Paul James e actuou con artistas tan diversos como a cantante de folk inglesa Jackie Oates, o músico electrónico alemán F.M.Einheit e o titiriteiro surafricano John Roberts.
Actualmente toca música medieval con Marco Cannavò, ensina zanfona a grupos ou individuais e continúa gravando lentamente a súa propia música multipista usando zanfona, órgano de canas, dulcimer martelado, etc., inspirado en patróns da natureza, as matemáticas e a imaxinación.
Formulario de inscrición
*Recibirás un correo (non inmediato, non automático) coa confirmación da praza e instrucións a seguir para a formalización da matrícula