II Encontro coa Zanfona Contemporánea. Narón
Datas: 28, 29 e 30 de abril 2006
‘Os sons da zanfona’
Tres actividades ao redor do instrumento: artesanía, concertos e curso amosando as posibilidades e aplicacións da zanfona contemporánea.
As actuacións deseñadas para este ano tentan dar mostra ó público da gran diversidade de propostas musicais que rodean á zanfona contemporánea. Trátase de tres actuacións pensadas para tódo-los gustos na que participan artistas galegos e mais do exterior:
[Zanfona + palabra] con Luis Correa
[Zanfona + danza] co dúo Fdz & Quintá
[Zanfona+0] con Marc Egea, (Catalunya), presenta o seu novo disco titulado Melanocetus. Nel a zanfona é a única protagonista dunha proposta ecléptica e intimista, principio e fin dun círculo vicioso persoal.
PROGRAMA
- EXPOSICIÓN INTERACTIVA. O ARTESANATO DA ZANFONA.
Xaneco Tubio – Outeiro de Rei, Lugo
Pablo Cid – Antas de Ulla, Lugo
Jaime Rebollo – Marín, Pontevedra
- CURSO DE ZANFONA CON MARC EGEA (CATALUNYA) www.marcegea.com
- CONCERTOS:
MARC EGEA. (Catalunya)
LUIS CORREA. (Galicia)
Dúo FDZ. – QUINTÁ. (Galicia)
Biografías
Luis Correa
Fundador dos Carunchos e un dos máximo representantes da regueifa actual en Galicia co Trio Liro. Especialista na plicación da zanfona como instrumento de acompañamento ao canto, revivindo a figura do cego e os seus romances, xénero zanfonístico por excelencia. Humor, retranca, espontaneidade e unha gran dose de improvisación son rasgos do seu espectáculo.
Dúo Fdz e Quintá
Dúo de acordeón diatónico e zanfona, formación frecuente noutras tradicións pero que en Galicia non se deu historicamente. Formado Carlos Quintá (Linho do Cuco) e Óscar Fernández (Cempés, bOnOvO). A zanfona é reciclada, adaptándoa aos ritmos bailables populares da tradición galega como muiñeiras e pasodobles, nos que nun principio non estaba presente.
Marc Egea (Catalunya)
Un dos mellores tocadores e compositores para zanfona, membro da Banda de Improvisadores de Barcelona e colaborador habitual en proxectos de danza contemporánea e poesía. Autor de varios discos en solitario, vén de presentar o seu novo disco titulado Melanocetus no II Encontro de Narón. Nel a zanfona é a única protagonista dunha proposta ecléptica e intimista, principio e fin dun círculo vicioso persoal.